(1)మరీచి కొడుకు కశ్యప ప్రజాపతి. బ్రహ్మదేవుడి కుడి చేతి బొటన వేలి నుండి దక్షుడు అనే పురుషుడు, ఎడమచేతి బొటన వేలి నుండి ధరణి అనే స్త్రీ జన్మించారు. వారు ఇరువురికి వెయ్యి మంది మహా రుషులు జన్మించారు. (2)బ్రహ్మ మానస పుత్రులలో రెండవ వాడైన అంగిరుసున కు, ఉతధ్యుడు, బృహస్పతి, సంవర్తుడు అనే కొడుకులు పుట్టారు. బృహస్పతి దేవతలకు గురువు ఐనాడు. (3).అత్రి అనే మానసపుత్రునికి అనేక మంది మహా మునులు జన్మించారు.(4) పులస్త్యుడు అనే బ్రహ్మ మానసపుత్రునకు, రాక్షసులు జన్మించారు. (5)పులహుడు అనే మానస పుత్రునకు, కిన్నరలు, కింపురుషులు జన్మించారు.(6)క్రతువు అనే మాన సపుత్రునకు పక్షి జాతి పుట్టింది.

ఆదిపర్వ - అధ్యాయ 120

॥ శ్రీః ॥
1.120. అధ్యాయః 120
Mahabharata - Adi Parva - Chapter Topics
పృథాయా బాల్యచరిత్రకథనం॥ 1 ॥
తస్యా దుర్వాససో మంత్రప్రాప్తిః॥ 2 ॥
మంత్రప్రభావజిజ్ఞాసయాఽఽహూతాత్సూర్యాత్కుంత్యాం కర్ణస్యోత్పత్తిః॥ 3 ॥
లోకభయాత్కుంత్యా యమునాయాం విసృష్టస్య రాధాభర్త్రా స్వీకారో వసుషేణేతి నామకరమం చ॥ 4 ॥
సంగ్రహేణ కర్ణచరిత్రకథనం॥ 5 ॥
Mahabharata - Adi Parva - Chapter Text
వైశంపాయన ఉవాచ। 1-120-0x(718)(5300)
శూరో నామ యదుశ్రేష్ఠో వసుదేవపితాఽభవత్।
తస్య కన్యా పృథా నామ రూపేణాప్రతిమా భువి॥ 1-120-1(5301)
పితృష్వస్రీయాయ స తామనపత్యాయ భారత।
అగ్ర్యమగ్రే ప్రతిజ్ఞాయ స్వస్యాపత్యం స సత్యవాక్॥ 1-120-2(5302)
అగ్రజామథ తాం కన్యాం శూరోఽనుగ్రహకాంక్షిణే।
ప్రదదౌ కుంతిభోజాయ సఖా సఖ్యే మహాత్మనే॥ 1-120-3(5303)
నియుక్తా సా పితుర్గేహే బ్రాహ్మణాతిథిపూజనే।
ఉగ్రం పర్యచరత్తత్ర బ్రాహ్మణం సంశితబ్రతం॥ 1-120-4(5304)
నిగూఢనిశ్చయం ధర్మే యం తం దుర్వాససం విదుః।
తముగ్రం సంశితాత్మానం సర్వయత్నైరతోషయత్॥ 1-120-5(5305)
`దధ్యాజ్యకాదిభిర్నిత్యం వ్యంజనైః ప్రత్యహం శుభా।
సహస్రసంఖ్యైర్యోగీంద్రముపచారదనుత్తమా॥ 1-120-6(5306)
దుర్వాసా వత్సరస్యాంతే దదౌ మంత్రమనుత్తమం'।
యశస్విన్యై పృథాయై తదాపద్ధర్మాన్వవేక్షయా।
అభిచారాభిసంయుక్తమబ్రవీచ్చైవ తాం మునిః॥ 1-120-7(5307)
యం యం దేవం త్వమేతేన మంత్రేణావాహయిష్యసి।
తస్య తస్య ప్రభావేణ తవ పుత్రో భవిష్యతి॥ 1-120-8(5308)
తథోక్తా సా తు విప్రేణ కుంతీ కౌతూహలాన్వితా।
కన్యా సతీ దేవమర్కమాజుహావ యశస్వినీ॥ 1-120-9(5309)
తతో ఘనాంతరం కృత్వా స్వమార్గం తపనస్తదా।
ఉపతస్థే స తాం కన్యాం పృథాం పృథులలోచనాం॥ 1-120-10(5310)
సా దదర్శ తమాయాంతం భాస్కరం లోకభావనం।
విస్మితా చానవద్యాంగీ దృష్ట్వా తన్మహదద్భుతం॥ 1-120-11(5311)
`సాబ్రవీద్భగవన్కస్త్వమావిర్భూతో మమాగ్రతః। 1-120-12(5312)
ఆదిత్య ఉవాచ।
ఆహూతోపస్థితం భద్రే ఋషిమంత్రేణ చోదితం।
విద్ధి మాం పుత్రలాభాయ దేవమర్కం శుచిస్మితే॥ 1-120-12x(719)
పుత్రస్తే నిర్మితః సుభ్రు శృణు మహాదృక్ఛుభాననే।
ఆదిత్యే కుండలే బిభ్రత్కవచం చైవ మామకం॥ 1-120-13(5313)
శస్త్రాస్త్రాణామభేద్యశ్చ భవిష్యతి శుచిస్మితే।
నాస్య కించిదదేయం చ బ్రాహ్మణేభ్యో భవిష్యతి॥ 1-120-14(5314)
చోద్యమానో మయా చాపి న క్షమం చింతయిష్యతి।
దాస్యత్యేవ హి విప్రేభ్యో మానీ చైవ భవిష్యతి॥ 1-120-15(5315)
వైశంపాయన ఉవాచ। 1-120-16x(720)
ఏవముక్తా తతః కుంతీ గోపతిం ప్రత్యువాచ హ।
కన్యా పితృసా చాహం పురుషార్థో న చైవ మే॥' 1-120-16(5316)
కశ్చిన్మే బ్రాహ్మణః ప్రాదాద్వరం విద్యాం చ శత్రుహన్।
తద్విజిజ్ఞాసయాఽఽహ్వానం కృతవత్యస్మి తే విభో॥ 1-120-17(5317)
ఏతస్మిన్నపరాధే త్వాం శిరసాఽహం ప్రసాదయే।
యోషితో హి సదా రక్ష్యాస్త్వపరాధేఽపి నిత్యశః॥ 1-120-18(5318)
సూర్య ఉవాచ। 1-120-19x(721)
వేదాహం సర్వమేవైతద్యద్దుర్వాసా వరం దదౌ।
సంత్యజ్య భయమేవేహ క్రియతాం సంగమో మమ॥ 1-120-19(5319)
అమోఘం దర్శనం మహ్యమాహూతశ్చాస్మి తే శుభే।
వృథాఽఽహ్వానేఽపి తే భీరు దోషః స్యాన్నాత్ర సంశయః॥ 1-120-20(5320)
`యద్యేవం మన్యసే భీరు కిమాహ్వయసి భాస్కరం।
యది మామవజానాసి ఋషిః స న భవిష్యతి॥ 1-120-21(5321)
మంత్రదానేన యస్మాత్త్వమవలేపేన దర్పితా।
కులం చ తేఽద్య ధక్ష్యామి క్రోధదీప్తేన చక్షుషా'॥ 1-120-22(5322)
వైశంపాయన ఉవాచ। 1-120-23x(722)
ఏవముక్తా బహువిధం సాంత్వపూర్వం వివస్వతా।
సా తు నైచ్ఛద్వరారోహా కన్యాహమితి భారత॥ 1-120-23(5323)
బంధుపక్షభయాద్భీతా లజ్జయా చ యశస్వినీ।
తామర్కః పునరేవేదబ్రవీద్భరతర్షభ॥ 1-120-24(5324)
మత్ప్రసాదాన్న తే రాజ్ఞి భవితా దోష ఇత్యుత॥ 1-120-25(5325)
`కుంత్యువాచ। 1-120-26x(723)
ప్రసీద భగవన్మహ్యమవలేపో హి నాస్తి మే।
త్వయైవ పరిహార్యం స్యాత్కన్యాభావస్య దూషణం॥ 1-120-26(5326)
ఆదిత్య ఉవాచ। 1-120-27x(724)
వ్యపయాతు భయం తేఽద్య కుమారం ప్రసమీక్షసే।
మయా త్వం చాప్యనుజ్ఞాతా పునః కన్యా భవిష్యసి॥ 1-120-27(5327)
వైశంపాయన ఉవాచ। 1-120-28x(725)
ఏవముక్తా తతః కుంతీ సంప్రహృష్టతనూరుహా।
సంగతాఽభూత్తదా సుభ్రూరాదిత్యేన మహాత్మనా॥ 1-120-28(5328)
ప్రకాశకర్మా తపనః కన్యాగర్భం దదౌ పునః।'
తత్ర వీరః సమభవత్సర్వశస్త్రభృతాం వరః॥ 1-120-29(5329)
ఆముక్తకవచః శ్రీమాందేవగర్భః శ్రియాన్వితః।
సహజం కవచం బిభ్రత్కుండలోద్ద్యోతితాననః॥ 1-120-30(5330)
అజాయత సుతః కర్ణః సర్వలోకేషు విశ్రుతః।
ప్రాదాచ్చ తస్యై కన్యాత్వం పునః స పరమద్యుతిః॥ 1-120-31(5331)
దత్త్వా చ తపతాం శ్రేష్ఠో దివమాచక్రమే తతః।
దృష్ట్వా కుమారం జాతం సా వార్ష్ణేయీ దీనమానసా॥ 1-120-32(5332)
ఏకాగ్రం చింతయామాస కిం కృత్వా సుకృతం భవేత్।
గూహమానాపచారం సా బంధుపక్షభయాత్తదా॥ 1-120-33(5333)
మంజూషాం రత్నసంపూర్ణాం కృత్వా బాలసమాశ్రితాం।
ఉత్ససర్జ కుమారం తం జలే కుంతీ మహాబలం॥ 1-120-34(5334)
తముత్సృష్టం జలే గర్భం రాధాభర్తా మహాయశాః।
పుత్రత్వే కల్పయామాస సభార్యః సూతనందనః॥ 1-120-35(5335)
నామధేయం చ చక్రాతే తస్య బాలస్య తావుభౌ।
వసునా సహ జాతోఽయం వసుషేణో భవత్వితి॥ 1-120-36(5336)
స వర్ధమానో బలవాన్సర్వాస్త్రేషూద్యతోఽభవత్।
ఆపృష్ఠతాపాదాదిత్యముపాతిష్ఠత వీర్యవాన్॥ 1-120-37(5337)
తస్మిన్కాలే తు జపతస్తస్య వీరస్య ధీమతః।
నాదేయం బ్రాహ్మణేష్వాసీత్కించిద్వసు మహీతలే॥ 1-120-38(5338)
`తతః కాలే తు కస్మింశ్చిత్స్వప్నాంతే కర్ణమబ్రవీత్।
ఆదిత్యో బ్రాహ్మణో భూత్వా శృణు వీర వచో మమ॥ 1-120-39(5339)
ప్రభాతాయాం రజన్యాం త్వామాగమిష్యతి వాసవః।
న తస్య భిక్షా దాతవ్యా విప్రరూపీ భవిష్యతి॥ 1-120-40(5340)
నిశ్చయోఽస్యాపహర్తుం తే కవచం కుండలే తథా।
అతస్త్వాం బోధయాంయేష స్మర్తాసి వచనం మమ॥ 1-120-41(5341)
కర్ణ ఉవాచ। 1-120-42x(726)
శక్రో మాం విప్రరూపేణ యది వై యాచతే ద్విజ।
కథం తస్మై న దాస్యామి యథా చాస్ంయవబోధితః॥ 1-120-42(5342)
విప్రాః పూజ్యాస్తు దేవానాం సతతం ప్రియమిచ్ఛతాం।
తం దేవదేవం జానన్వై న శక్తోఽస్ంయవమంత్రణే॥ 1-120-43(5343)
సూర్య ఉవాచ। 1-120-44x(727)
యద్యేవం శృణు మే వీర వరం తే సోఽపి దాస్యతి।
శక్తిం త్వమపి యాచేథాః సర్వశత్రువిబాధినీం॥ 1-120-44(5344)
వైశంపాయన ఉవాచ। 1-120-45x(728)
ఏవముక్త్వా ద్విజః స్వప్నే తత్రైవాంతరధీయత।
కర్ణః ప్రబుద్ధస్తం స్వప్నం చింతయానోఽభవత్తదా॥ 1-120-45(5345)
తమింద్రో బ్రాహ్మణో భూత్వా పుత్రార్థం భూతభావనః।
కుండలే ప్రార్థయామాస కవచం చ మహాద్యుతిః॥ 1-120-46(5346)
ఉత్కృత్యావిమనాః స్వాంగాత్కవచం రుధిరస్రవం।
కర్ణౌ పార్శ్వే చ ద్వే ఛిత్త్వా ప్రాయచ్ఛత్స కృతాంజలిః॥ 1-120-47(5347)
ప్రతిగృహ్య తు దేవేశస్తుష్టస్తేనాస్య కర్మణా।
అహో సాహసమిత్యాహ మనసా వాసవో హసన్॥ 1-120-48(5348)
దేవదానవయక్షాణాం గంధర్వోరగరక్షసాం।
న తం పశ్యామి యో హ్యేతత్కర్మ కర్తా భవిష్యతి॥ 1-120-49(5349)
ప్రీతోఽస్మి కర్మణా తేన వరం బ్రూహి యదిచ్ఛసి। 1-120-50(5350)
కర్ణ ఉవాచ।
ఇచ్ఛామి భగవద్దత్తాం శక్తిం శత్రునిబర్హణీం॥ 1-120-50x(729)
వైశంపాయన ఉవాచ। 1-120-51x(730)
శక్తిం తస్మై దదౌ శక్రో విస్మయాద్వాక్యమబ్రవీత్।
దేవదానవయక్షాణాం గంధర్వోరగరక్షసాం॥ 1-120-51(5351)
యస్మై క్షేప్స్యసి రుష్టః సన్సోఽనయా న భవిష్యతి।
హత్వైకం సమరే శత్రుం తతో మామాగమిష్యతి।
ఇత్యుక్త్వాంతర్దధే శక్రో వరం దత్త్వా తు తస్య వై॥ 1-120-52(5352)
ప్రాఙ్నామ తస్య కథితం వసుషేణ ఇతి క్షితౌ।
కర్ణో వైకర్తనశ్చైవ కర్మణా తేన సోఽభవత్॥ ॥ 1-120-53(5353)

ఇతి శ్రీమన్మహాభారతే ఆదిపర్వణి సంభవపర్వణి వింశత్యధికశతతమోఽధ్యాయః॥ 120 ॥

Mahabharata - Adi Parva - Chapter Footnotes
1-120-2 అగ్ర్యం ప్రథమం।
అగ్రే జన్మతః పూర్వం ప్రతిజ్ఞాయ మయా ప్రథమమపత్యం తుభ్యం దేయమితి ప్రతిశ్రుత్య॥
1-120-7 అభిచారో వశ్యాకర్షణాదిదృష్టఫలం తద్యుక్తం॥
1-120-36 వసునా కవచకుండలాదిద్రవ్యేణ బద్ధ ఇతి వసుషేణః॥
1-120-37 ఆపృష్ఠతాపాత్ మధ్యాహ్నాత్పరత ఇత్యర్థః॥
1-120-53 సహజకవచకర్తనాత్ కర్ణః విశేషతః కర్తనేన వైకర్తనః। స్వార్థే తద్ధితః॥
వింశత్యధికశతతమోఽధ్యాయః॥ 120 ॥

www.sanatanadharm.com - play store app (sanatana dharm)

"Bharathiya Sanatana Dharm" and Sanatana Dharmam & Dharmo rakshati Rakshitha logo are our trademarks. Unauthorised use of "Sanatana Dharmam & Dharmo rakshoati Rakshitha" and the logo is not allowed. Copyright © sanatanadharm.com All Rights Reserved . Made in India.